Rhaglen Waith
Mae ymgynghori ag arweinwyr Polisi, GIG a Gofal Cymdeithasol Llywodraeth Cymru yn allweddol i ddatblygu ac ateb y cwestiynau ymchwil cywir yng Nghanolfan Dystiolaeth Ymchwil Iechyd a Gofal Cymru. Mae hyn yn helpu i sicrhau y gellir defnyddio ein hymchwil i wella polisi ac ymarfer iechyd a gofal cymdeithasol yn uniongyrchol.
Rhaglen waith synthesis tystiolaeth gyflym
| Angen tystiolaeth | Cwestiwn ymchwil | Sut y bydd y dystiolaeth yn cael ei defnyddio | Grŵp Rhanddeiliaid |
|---|---|---|---|
| Gofal Iechyd Seiliedig ar Werth a Dadansoddiad Cost-effeithiolrwydd | Sut gall Gofal Iechyd a dulliau economaidd iechyd seiliedig ar werth lywio penderfyniadau yng Nghymru yn well? | Llywio dulliau dadansoddi cost-effeithiolrwydd gofal iechyd sy'n seiliedig ar werth | Yr Is-adran Gwyddoniaeth, Ymchwil a Tystiolaeth, Llywodraeth Cymru |
| Nodi’r dulliau mesur canlyniadau a adroddwyd gan gleifion ac a ddilyswyd at ddibenion cyflawni nodau neu newid mewn swyddogaeth i'w defnyddio gan y Proffesiynau Perthynol i Iechyd (AHPs) a’r timau aml-broffesiynol ledled Cymru | Nodi’r Mesurau Canlyniadau a Adroddir gan Gleifion (PROMs) ac a ddilyswyd at ddibenion cyflawni nodau neu newid mewn swyddogaeth i'w defnyddio gan y Gweithwyr Proffesiynol Perthynol i Iechyd (AHPs) a thimau aml-broffesiwn ledled Cymru | Llywio datblygu’r dangosfwrdd data at ddefnydd AHPs a gwasanaethau adsefydlu ledled Cymru | Fframwaith Iechyd Perthynol Proffesiynol Cymru |
| Effeithiolrwydd yr ymyriadau a wneir i wella ecwiti mewn canlyniadau iechyd ar gyfer cleifion ag anableddau dysgu sy'n derbyn cymorth y gwasanaeth cyswllt | 1. Beth yw effeithiolrwydd gwasanaethau Cyswllt Anableddau Dysgu o ran gwella canlyniadau iechyd i bobl ag anableddau dysgu sy’n derbyn gofal acíwt? 2. Beth yw'r rhwystrau a'r hwyluswyr i roi gwasanaethau Cyswllt Anableddau Dysgu ar waith ym maes gofal acíwt? | Llywio’r cynllun gweithredu strategol anableddau dysgu | Y Tîm Anableddau Dysgu |
| Effeithiolrwydd yr ymyriadau ymysg plant a phobl ifanc i gynnal/gwella iechyd a lles meddyliol ac emosiynol, i gael rhagor o wytnwch a lleihau'r angen am wasanaethau iechyd meddwl | Effeithiolrwydd yr ymyriadau i gefnogi iechyd a lles meddyliol ac emosiynol mewn pobl ifanc nad ydynt mewn addysg, cyflogaeth na hyfforddiant. | Llywio’r gwaith o ddatblygu rhaglenni’r Bwrdd Iechyd | Bwrdd Iechyd Prifysgol Hywel Dda |
| Strategaethau aml-asiantaeth sydd wedi’u rhoi ar waith i sicrhau parhad gofal wrth bontio o wasanaethau gofal cymdeithasol i blant i ofal cymdeithasol i oedolion | Pa strategaethau aml-asiantaeth sydd wedi'u rhoi ar waith i sicrhau parhad gofal wrth bontio o wasanaethau gofal cymdeithasol i blant i ofal cymdeithasol i oedolion? | Llunio cynnwys a ffocws sioeau teithiol sy’n cael eu cynnal gan Gofal Cymdeithasol Cymru i awdurdodau lleol, gan dynnu sylw at strategaethau aml-asiantaeth effeithiol ar gyfer cefnogi pontio | Gofal Cymdeithasol Cymru |
| Strategaethau effeithiol sy'n gwneud teithio llesol yn fwy cynhwysol, hygyrch a theg i bobl anabl, plant ac oedolion hŷn | Pa dystiolaeth sydd ar gael ynglŷn ag ymyriadau i wella cynhwysiant a hygyrchedd seilwaith teithio llesol i bobl anabl, plant ac oedolion hŷn a lleihau anghydraddoldebau iechyd a chymdeithasol-economaidd ymysg y poblogaethau hyn? | Llywio gwaith diweddaru a mireinio'r canllawiau o dan Ddeddf Teithio Llesol (Cymru) 2013, gan sicrhau eu bod yn adlewyrchu'r dystiolaeth orau gyfredol ar hygyrchedd a chynhwysiant | Trafnidiaeth Cymru – Teithio Llesol |
| Effaith, gwerth a rôl bosibl ymarferwyr iechyd cyhoeddus yn y gymuned wrth wella canlyniadau ar gyfer oedolion hŷn sy’n fregus ac sy'n byw gyda sawl cyflwr iechyd hirdymor yng Nghymru | Beth yw effaith ymarferwyr iechyd cyhoeddus yn y gymuned (e.e. Metronau Cymunedol, Ymwelwyr Iechyd Pobl Hŷn) ar ganlyniadau iechyd a lles ymysg oedolion hŷn? | Llywio datblygiad polisi ar gyflwyno iechyd cyhoeddus cymunedol ar gyfer oedolion hŷn yn rhan o wasanaethau iechyd cymunedol yng Nghymru | Llywodraeth Cymru - Gofal Sylfaenol a Chymunedol |
| Dulliau a ddefnyddir i roi taliadau uniongyrchol ar waith yn y systemau iechyd a'r ffactorau sy'n dylanwadu ar eu llwyddiant | Pa ddulliau sydd wedi'u defnyddio i roi taliadau uniongyrchol ar waith yn y systemau iechyd, a sut mae ffactorau amrywiol yn dylanwadu ar effeithiolrwydd y dulliau hyn wrth gefnogi personoli, llywodraethu a mynediad teg at ofal? | Cefnogi Llywodraeth Cymru i roi taliadau uniongyrchol ar waith ar gyfer Gofal Iechyd Parhaus y GIG | Llywodraeth Cymru - Tîm Taliadau Uniongyrchol a Pholisi Anabledd |
Rhaglen waith ymchwil sylfaenol
| Angen tystiolaeth | Cwestiwn ymchwil | Sut y bydd y dystiolaeth yn cael ei defnyddio | Grŵp Rhanddeiliaid |
|---|---|---|---|
| Gwyddor Data Poblogaeth | |||
| Nodi ffactorau rhagfynegol sy'n gysylltiedig â digwyddiadau gwaedu neu ddigwyddiad thrombotig. | Yn yr arfaeth | Sylfaen dystiolaeth ar gyfer rhoi gwybodaeth am risg a buddion i gleifion drwy'r offeryn cymorth penderfyniadau "Co-Clarity" sy'n cael ei ddatblygu a'i werthuso yn rhaglen Serenity, ac sydd i'w roi ar waith wrth ddarparu gofal arferol mewn systemau iechyd ledled Ewrop, gan gynnwys Cymru. | Yr Athro Simon Noble (Athro Meddygaeth Lliniarol) |
| Nid yw'n gymwys | Sut mae cyrchu presgripsiwn Therapi Amnewid Hormonau (HRT) yn wahanol i fenywod ledled Cymru? | Bydd y dystiolaeth yn cael ei defnyddio i ddatblygu strategaethau ar gyfer lleihau anghydraddoldebau o ran cyrchu a sicrhau nad yw menywod mewn cymunedau llai difreintiedig a grwpiau ymylol dan anfantais wrth gael mynediad at Therapi Amnewid Hormonau. | Prif Swyddog Fferyllol Cymru |
| Nid yw'n gymwys | Beth yw effaith gwasanaeth argyfwng integredig rhanbarthol Safe@Home ar leihau derbyniadau y gellir eu hosgoi i’r ysbyty a gwella deilliannau i gleifion? | Trwy ddangos effeithiolrwydd Safe@Home, bydd canfyddiadau yn arwain gwaith datblygu ac integreiddio modelau tebyg ledled Cymru yn y dyfodol. | Safe@Home, Bwrdd Iechyd Prifysgol Caerdydd a'r Fro |
| Mewnol | |||
| Gwerthusiad o Wasanaethau Iechyd Merched yng Nghymru | Yn yr arfaeth | Llywio polisi a darpariaeth gwasanaeth barhau s yn y maes hwn | Cyfarwyddiaeth Ansawdd a Nyrsio (polisi) |
Nid yw'n gymwys
| Beth yw'r enillion ar fuddsoddiad ar gyfer y Cynllun Atgyfeirio Cleifion i Wneud Ymarfer Corff Cymru (NERS) ar gyfer rheoli cyflyrau iechyd cronig? | Bydd yr ymchwil hon yn galluogi Gweinidogion a llunwyr polisïau i ddeall cost system NERS a'r manteision cysylltiedig. Bydd y dystiolaeth hon yn hwyluso penderfyniadau ynghylch buddsoddiad ehangach yn NERS ac yn dangos ei werth, gan arwain at fwy o ddarpariaeth yng Nghymru i'r rhai sy'n byw â chyflyrau iechyd cronig y gellid eu rheoli drwy raglenni ymarfer corff, a lleihau'r galw ar wasanaethau ysbytai ac iechyd. | Arweinydd ymgynghorol ar gyfer NERS yng Nghymru |
| Profiad gweithwyr proffesiynol iechyd meddwl cymeradwy (AMHPs) o rôl gwell recriwtio, cadwraeth a lles a’r ffactorau a all gefnogi hynny. | Yn yr arfaeth | Mae sefydlogrwydd y gweithlu yn y dyfodol yn dibynnu ar wybod sut i dderbyn hyfforddiant, recriwtio ar gyfer y swydd, a chadw staff. Bydd canfyddiadau’n arwain strategaethau recriwtio a chadw a chyrsiau hyfforddi ar gyfer gweithwyr proffesiynol iechyd meddwl. | Gofal Cymdeithasol Cymru |
| Barn staff gofal eilaidd o'r Gwasanaethau Cyswllt Anableddau Dysgu yng Nghymru: gwerthusiad gwasanaeth. | Yn yr arfaeth | Nod cyffredinol y Gwasanaethau Cyswllt Iechyd Anableddau Dysgu ym mhob bwrdd iechyd yw gwella ansawdd a diogelwch y ddarpariaeth mewn gofal eilaidd gan sicrhau gwasanaeth teg a diogel. Bydd canfyddiadau'n cael eu defnyddio i arwain gwaith cynllunio cyflwyno gwasanaethau. | Gwella Anableddau Dysgu Cymru |
Dyma Raglen Waith Canolfan Dystiolaeth Ymchwil Iechyd a Gofal Cymru arfaethedig Mehefin 2025 - Mehefin 2026. Gellir diwygio'r rhaglen hon os bydd anghenion tystiolaeth polisi / ymarfer yn newid (gellir addasu neu ddileu prosiectau presennol, a gellir ychwanegu cwestiynau â blaenoriaeth uchel).