Amdanom ni
Ein gwaith
Mae Canolfan Dystiolaeth Ymchwil Iechyd a Gofal Cymru yn gweithio gyda nifer o sefydliadau penodol ledled Cymru i ddatblygu tystiolaeth ymchwil iechyd a gofal cymdeithasol gadarn ar amrywiaeth o bynciau, gan ganolbwyntio ar y canlynol:
- Nodi bylchau mewn gwybodaeth sy’n ymwneud â pholisi ac arfer iechyd a gofal cymdeithasol yng Nghymru
- Ateb cwestiynau ymchwil sy'n mynd i'r afael â'r bylchau gwybodaeth yn gyflym a chyda methodoleg gadarn
- Sefydlu rhwydwaith rhwng y Ganolfan a pholisi ac arfer sefydliadau allweddol megis Llywodraeth Cymru, Gofal Cymdeithasol Cymru a’r GIG
- Gweithio’n agos gyda’r cyhoedd yng Nghymru a gwneud yn siŵr eu bod yn rhan o’n holl waith
- Adolygu tystiolaeth ymchwil sydd ar gael lle bo modd
- Cynnal ymchwil newydd lle mae diffyg tystiolaeth
Ein hanes
Mae Canolfan Dystiolaeth Ymchwil Iechyd a Gofal Cymru yn adeiladu ar lwyddiannau Canolfan Dystiolaeth COVID-19 Cymru (2021-23), a roddodd dystiolaeth ymchwil hanfodol i’r rhai sy’n gwneud penderfyniadau i helpu i reoli pandemig COVID-19.
Mae cael Canolfan Dystiolaeth COVID-19 Cymru ar gael i ddwyn yr ymchwil ynghyd wedi bod yn hollbwysig i Gymru. Mae'r Ganolfan wedi llywio trafodaethau ar degwch ac wedi ein helpu drwy daith anodd … Pan fyddaf yn meddwl am beth mae’r Ganolfan yn ei wneud... Rwy'n meddwl ei fod wedi rhagori. Mae’r gwaith y maen nhw wedi’i wneud yn wych.
Prif Swyddog Meddygol Cymru, Syr Frank Atherton
Gan ddefnyddio’r sgiliau, y dulliau a’r rhwydweithiau a ddatblygwyd yng Nghanolfan Dystiolaeth COVID-19 Cymru, mae Canolfan Dystiolaeth Ymchwil Iechyd a Gofal Cymru bellach yn canolbwyntio ar gefnogi penderfyniadau polisi ac arfer ar gyfer ystod ehangach o bynciau iechyd a gofal cymdeithasol.